ලෝක ග්ලුකෝමා සතිය හෙටින් ඇරඹෙයි

(11.03.2017 – 16:59 +0530 – sinhala.adaderana.lk)

ලෝක ග්ලුකෝමා සතිය හෙටින් (12-03-2017) ආරම්භ වන බව සෞඛ්‍ය අධ්‍යාපන කාර්යාංශය පවසයි.

එම කාර්යාංශයේ විශේෂඥ වෛද්‍ය පී.ඩී.එස්.පී දිසානායක මහතා සඳහන් කළේ එය හෙට සිට ලබන 18 වනදා දක්වා පැවැත්වෙන බවයි.

ලෝක ජනගහණයෙන් මිලියන 4.2 ක ප්‍රමාණයක් ග්ලුකෝමා නිසා ඇති වන අන්ධ භාවයෙන් පෙළෙන බව එම කාර්යාංශය පවසයි.

ශ්‍රී ලංකාවේ ජනගහණයෙන් දෙලක්ෂ පනස්දහසක් පමණ ග්ලුකෝමා රෝගයට ගොදුරුවී ඇති බව‍ ද සෞඛ්‍ය අධ්‍යාපන කාර්යාංශය පවසයි.

ඒ අනුව මෙම පසුබිම යටතේ ලෝක ග්ලුකෝමා සතිය තුළ විවිධ වැඩසටහන් ක්‍රියාත්මක කිරීමට සෞඛ්‍ය අමාත්‍යංශයේ විෂන් 20 යි 20 වැඩසටහන සහ අක්ෂි ශෛල්‍ය වෛද්‍යවරුන්ගේ සංගමය සැලසුම් කර තිබේ ෴

**********************************

ලක් විද්වතකුගෙන් ලොව මවිත කළ සොයාගැනීමක්
(28-02-2017 – lankadeepa.lk/encyclopedia)

හාවර්ඩ් විශ්ව විද්‍යාලයේ භෞතික විද්‍යා අංශයේ සේවය කරන ශ්‍රී ලාංකික විද්‍යාඥයකු වන රංග ඩයස් මහතා ලොව ප්‍රථම වරට වායුමය හයිඩ්‍රජන් යොදාගෙන ලෝහමය හයිඩ්‍රජන් නිපදවීමේ විද්‍යාත්මක පර්යේෂණය සඳහා දායක වී ඇති බව වාර්තා වේ. මෙම සාර්ථක පර්යේෂණය සිදු කිරීම සඳහා රංග ඩයස් සහ ඉසාක් සිල්වේරා යන මහාචාර්ය  ද සහභාගී වී ඇති බව ‘සයන්ස්’ නම් විද්‍යාත්මක සඟරාවේ  දක්වා ඇත.

ඉතා කුඩා හයිඩ්‍රජන් වායු කොටසක් දියමන්ති දෙකක් අතර අධි පීඩනයකට ලක් කිරීමෙන් හයිඩ්‍රජන් ලෝහය නිපදවීමට සමත් වූ බව මෙම විද්‍යාඥයෝ දෙදෙනා පවසති. ලොව පුරා විද්‍යාඥයින් වසර 80 ක පමණ කාලයක සිට ලෝහමය හයිඩ්‍රජන් නිපදවීම සම්බන්ධව පර්යේෂණ සිදු කළත් ඒවා සාර්ථක වී තිබුණේ නැත.

කාමර උෂ්ණත්වයේදී ඉතා ඉහළ සන්නායක ගුණයක් දක්වන හයිඩ්‍රජන් ලෝහය අධික වේගයෙන් ගමන් කරන රොකට් යානා, විදුලි දුම්රිය සහ තවත් බොහෝ ඉලෙක්ට්‍රොනික් උපාංගවල කාර්යක්ෂමතාව වැඩිකිරීම සඳහා යොදාගත හැකි බොහෝ ප්‍රයෝජනවත් ලෝහයකි.

ශ්‍රී ලංකාවේ උපත ලැබූ රංග ඩයස් මහතා  2016 වර්ෂයේ දී සිය ප්‍රථම උපාධිය කොළඹ විශ්වවිද්‍යාලයෙන් ලබාගෙන ඇති අතර පශ්චාද් උපාධිය ඇමරිකාවේ වොෂින්ටන් ප්‍රාන්ත සරසවියෙන් ලබාගෙන ඇත ෴

********************* ( නැවත මුල් පිටුවට ….. )

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *