ලංකාවට ඇටවූ ජිනීවා උගුල ගැන ඇස් උඩයන කතාවක් ලෝ සුපතල සගරාවක් කියයි..

(23.12.2018 – 03:24 +0530 – lankacnews.com)

දෙවරක්ම නොබෙල් සාම ත්‍යාගය සදහා යෝජනා වූ තුර්කි ජාතික මහාචාර්ය මහමත් ගුසෙල් ලංකීක විද්වතෙකු වන ආචාර්ය නාලක ගොඩහේවා සමග එක්ව පර්යේෂණ ආශ්‍ර‍යෙන් සකස් කරනාලද නිබන්දනයක් සුප්‍රකට ශාස්ත්‍රීය සඟරාවක් වන ‘ද වර්ඩ් ඔෆ් ටර්ක්ස්’ (THE WORL OF TURKS) හී අලුත්ම කලාපයේ පලවී ඇත.

ලොව පුරා අධ්‍යාපනඥයින් විසින් පරිශීලනය කරනු ලබන මේ ශාස්ත්‍රීය සගරාවේ මහාචාර්ය ගුසෙල් සහ ආචාර්ය නාලක ගොඩහේවා පෙන්වාදී ඇත්තේ එක්සත් ජාතීන්ගේ සංවිධානය විසින් 2016 දී සම්මත කරනා ලද ජාත්‍යන්තර ත්‍රස්තවාදය වැලැක්වීමේ සැලසුම (United Nations Global Counter Terrorsim Strategy) නොසලකා ලංකාවට එරෙහිව ජිනීවා 30/1 යෝජනාව සම්මත කිරීමෙන් එක්සත් ජාතීන්ගේ මානව හිමිකම් කවුන්සිලය වරදක් කර ඇති බවය.

ත්‍රස්තවාදී සංවිධානයක් ලෙස හදුනාගෙන එක්සත් ජාතීන්ගේ සංවිධානයේ සාමාජික රටවල් 32 ක් විසින් තහනම් කොට තිබූ එල් ටී ටී ඊ සංවිධානය , රටක අභ්‍යන්තර අරගලයක යෙදෙන රජයේ නොවන අවිගත් කන්ඩායමක් (NON STATE ARMED GROUP) ලෙස නම් කිරීමෙන් හා ජාත්‍යන්තර මානව අයිතිවාසිකම් හා ජාත්‍යන්තර මානවවාදී නීතීන් අයුතු ලෙස භාවිත කරමින් තම යෝජනාවේ වපසරිය ලංකාවට පමනක් සීමා කිරීමෙනුත් අදාල කාල සීමාව යුද්දයේ 2002-2009 කාලයට සීමා කිරීමෙනුත් එක්සත් ජාතීන්ගේ මානව හිමිකම් කවුන්සිලය තිස් වසරක් පුරා ලංකාවේ මනුශ්‍ය ඝාතන වලට මුදල් සැපයූ අද පිටරටවල සිට ලංකාවේ දේශපාලනයට අත පොවන අන්තවාදී දෙමල ඩයස්පෝරාවට නීතියෙන් ගැලවීමේ මාර්ගයක් ලබාදී ඇති බවද මේ අධ්‍යාපනඥයන් දෙදෙනා තම පර්යේෂණ නිබන්දය හරහා පෙන්වා දී ඇත.

ජිනීවා යෝජනාවලිය හරහා ලංකාවේ රණවිරුවන්ට එරෙහිව ජාත්‍යන්තරව නඩු පැවරීමේ කුමන්ත්‍රණයක් ක්‍රියාත්මක වන බවත් ලංකාවේ යහපාලන රජය පසුගිය වසර 4 ක් කාලය පුරා ජිනීවා යෝජනාවල අපේක්ෂිත විවිධ අන පනත් සම්මත කරමින් එ සදහා අවශ්‍ය නීති රාමුව සකස් කරමින් සිටිනා බවත ආචාර්ය නාලක ගොඩහේවා, අද්මිරාල් සරත් වීරසේකර ඇතුලු ශ්‍රී ලාංකික දේශප්‍රේමීන් කාලයක් මුලුල්ලේ පෙන්වා දුන් අතර මේ සතියේ පුවත් පත් වල වාර්තාවී තිබුනේ යුධ ජයග්‍රහණයට දායක වූ හිටපු ජනාධිපතිවරයා, ආරක්ෂක ලේකම් වරයා, හමුදාපතිවරයා ඇතුලු පිරිසකට ජාත්‍යන්තර අධිකරණයක් ඉදිරියේ නඩු පැවරීමට අන්ත්වාදී දෙමල ඩයස්පෝරාවේ නීතීඥයින් සූදානම් වන බවය.

එක්සත් ජාතීතීගේ ජාත්‍යන්තර ත්‍රස්තවාදය වැලක්වීමේ වැඩසටහන යටතේ එල් ටී ටී ඊ මුදල් පාලනය කරන්නන්හට එරෙහිව ක්‍රියා කල යුතු බවට ආචාර්ය නාලක ගොඩහේවා හා මහාචාර්ය ගුසෙල් කලක තිස්සේ නගන හඩ කෙතරම් යථාර්තවාදීදැයි මේ අනුව වටහා ගත හැක.

– චාමින්ද කරුණාරත්න

********************* ( නැවත මුල් පිටුවට ….. )

ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *