පත්වීම් නැති හිටපු අධ්‍යක්ෂවරු ලේක්හවුස් ආයතනයේ වැඩ

(24.12.2018 – 13:20 +0530 – lankacnews.com)

ජනපතිගේ නියෝග තුට්ටුවකට නොතකයි.. පත්වීම් නැති හිටපු අධ්‍යක්ෂවරු වැඩ..

රාජ්‍ය මාධ්‍ය ආයතනවලට කිසිදු පත් කිරීමක් හෝ ඉවත් කිරීමක් සිදු නොකරන ලෙස ජනාධිපති මෛත්‍රීපාල සිරිසේන මහතා ජනමාධ්‍ය ඇමැති මංගල සමරවීර මහතාට ගිය සතියේ උපදෙස් දී තිබිණි.

රාජ්‍ය මාධ්‍ය ආයතන ජනමාධ්‍ය අමාත්‍යාංශය යටතේ ගැසට් කරන තුරු රාජ්‍ය මාධ්‍ය ආයතනවලට සභාපතිවරු , අධ්‍යක්ෂ මණ්ඩල සාමාජිකයන් සහ අනෙකුත් කිසිදු පත් කිරීමක් හෝ ඉවත් කිරීමක් නොකරන ලෙස ගිය සිකුරාදා ජනමාධ්‍ය ඇමැති මංගල සමරවීර මහතාට ජනාධිපතිතුමා මෙම උපදෙස් දීම සිදු කර තිබිණි.

පසුගිය සතියේ ලේක්හවුස් ආයතනයට එහි හිටපු සභාපතිවරයා කිසිදු පත් වීමක් නොමැතිව ඇතුළු වී නොසන්සුන්කාරී ලෙස හැසිරීමත් සමග ජනාධිපතිතුමා මෙම උපදෙස් දීම සිදු කර තිබිණි.

ජනපති මෛත්‍රීගේ මෙම උපදෙස් දීම තුට්ටුවකට ගණන් නොගෙන ගිය 22 වැනිදා සෙනසුරාදා දිනයේ ලේක්හවුස් ආයතනයේ හිටපු කර්තෘමණ්ඩල අධ්‍යක්ෂවරයකු වත්මන් නීතී අධ්‍යක්ෂවරයාගේ නිල කාමරයට ගොස් පුවත්පත්වලට උපදෙස් දෙමින් කටයුතු කර තිබේ.

එහි ආසන්නතම අවස්ථාව වන්නේ 12/23 දා ඔබ්සවර් පුවත්පතේ මුල් පිටුවේ ව්‍යවස්ථාදායක සභාව පිළිබද ජනාධිපතිතුමාට හානිදායක පුවතක් පළ කර තිබීමය.

එමෙන්ම ලේක්හවුස් ආයතනයේ හිටපු මුල්‍ය අධ්‍යක්ෂවරයකු ගිය සිකුරාදා ලේක්හවුස් ආයතනයට පැමිණ නියෝජ්‍ය සාමාන්‍යාධිකාරී මානව සම්පත් වෙත උපදෙස් දී ඇත්තේ පසුගිය මෛත්‍රී –මහින්ද දින 56 ආණ්ඩුව අතරතුර සේවා අවශ්‍යතා මත ලබා දී තිබු සේවක උසස්වීම් 19 ක් අවලංගු කිරීමට වාර්තාවක් සකසන ලෙසය.

ලේක්හවුස් සේවකයන් පවසනුයේ දැන් ජනපති මෛත්‍රීගේ උපදෙස් හිටපු පාලනාධිකාරිය තුට්ටුවකට මායිම් නොකරන බවය ෴

+++++++++++++++++++++++++++++++++++++

මහින්ද‍‍ගේ සම්මුඛ සාකච්ඡාව තහනම් කරයි…

(24.12.2018 – 10:00 +0530 – lankacnews.com)

හිටපු ජනාධිපති මහින්ද රාජපක්ෂ මහතා විපක්ෂ නායකවරයා ලෙස පත් කිරීමෙන් අනතුරුව පසුගිය සතියේ සියලු ජාතික පුවත්පත් සඳහා සම්මුඛ සාකච්ඡා ලබා දෙන ලදී. ලේක්හවුස් පුවත්පත් සඳහාද සම්මුඛ සාකච්ඡා ලබා දී තිබිණි.

ඒ අනුව ලේක්හවුස් ආයතනයේ ඉරිදා ඉංග්‍රීසි ජාතික පුවත්පත වන ඔබ්සවර් පුවත්පතට ලබා දුන් විපක්ෂ නායකවරයාගේ සම්මුඛ සාකච්ඡාව පළ කිරීම හදිසියේ තහනම් කරන ලදී. එම සම්මුඛ සාකච්ඡාව විපක්ෂ නායකවරයා සමග සිදු කර ඇත්තේ ඔබ්සවර් පුවත්පතේ මාධ්‍යවේදීනී අනුරංගි සිං මෙනවිය විසිනි.

එම තහනම් කිරීම සිදු කර ඇත්තේ , පත්වීමක් නොමැතිව ලේක්හවුස් ආයතනයට බලහත්කාරයෙන් අතුළු වු හිටපු සභාපති විසින් යයිද වාර්තා වෙයි ෴

********************* ( නැවත මුල් පිටුවට ….. )

ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *