සැඟව සිටි කුරු මිනිසෙකු කාන්තාවක් අල්ලා එක්වරම පලාගිය හැටි එළියට

(21.02.2019 – 20:26 +0530 – hirunews.lk/sinhala)

සැඟව සිටි කුරු මිනිසෙකු තමන් සීරීමට ලක්කර පළා ගිය බව අනුරාධපුර – මහවිලච්චිය ප්‍රදේශයේ කාන්තාවන් කිහිපදෙනෙකු පවසනවා.

මේ අතර අම්පාර ප්‍රදේශයේ හේන් ගොවීන් කිහිප දෙනෙකු වනචාරී කුරු මිනිසුන් දුටු බවට ප්‍රකාශ කළා.

මේ සමගින් මෙරටින් වඳ වී ගිය බවට සැලකෙන නිත්තෑවන් හෙවත් වනචාරී කුරු මිනිසුන් පිළිබඳව යලිත් සමාජය තුල කතාබහක් මතු වී තිබෙනවා.

අනුරාධපුර – මහවිලච්චිය – ඇත්දක්කල්ල ප්‍රදේශයේදී කුරු මිනිසකු විසින් තමාව සිරීමට ලක් කළ බවයි කාන්තාවක් පවසන්නේ.

තවත් කාන්තාවන් කිහිප දෙනෙකුම ඒ හා සමාන සිදු වීම් කිහිපයකට මුහුණ දී තිබෙනවා.

මේ අතර ජනප්‍රවාද වල පැවත එන නිත්තෑවන් හා සමාන කුරු මිනිසෙකු පසුගිය දින කිහිපයේදීම දුටු බව නිත්තෑවන් විසූ බව පැවසෙන අම්පාර – දමණ – තොට්ටම ප්‍රදේශයේ හේන් ගොවීන් පිරිසක් පවසනවා.

අම්පාර – දමණ – තොට්ටම ප්‍රදේශයෙන් වාර්තා වූ මෙම සිද්ධිය පිළිබඳ සොයා බැලීමට අප වාර්තාකරු එම ප්‍රදේශයට ගියා.

මේ අතර හේන් ගොවීන් ලබා ගත් ජායාරූප කිහිපයක් තුළ ඇති පා සළකුණු එම කුරු මිනිසාගේ බවයි ගොවීන් ප්‍රකාශ කරන්නේ.

අම්පාර – තොට්ටම ප්‍රදේශයෙන් වාර්තා වන මෙම කුරු මිනිසුන් පිළිබඳ ශ්‍රී ජයවර්ධනපුර විශ්ව විද්‍යාලයේ මානව විද්‍ය අංශය විසින් පර්යේෂණයක්ද සිදු කර තිබෙනවා.

මානව විද්‍යාඥයින්ගේ පර්යේෂණ අනුව නිත්තෑවන් හෙවත් නිට්ටෑවන් යනු 18 වන ශතවර්ශය තෙක් මෙරට විසූ කුරු ජන කොට්ඨාෂයක්.

ඔවුන් බහුලව වාසය කර ඇති බවට සැලකෙන්නේ නැගෙනහිර පළාතේ අම්පාර ආශ්‍රිතවයි.

නිත්තෑවන් සම්බන්ධයෙන් පර්යේෂණ කිහිපයක් සිදුකර ඇතත්, මෙතෙක් ඔවුන් පිළිබඳ නිශ්චිත භෞතික සාක්ෂියක් ඉදිරිපත් වී නැහැ.

සමාජ විද්‍යාඥයින් සහ ගවේශකයින් විසින් පළ කර ඇති මත වලට අනුව නිත්තෑවන් යනු මිනිසුන් මෙන් දෙපාවලින් ඇවිඳ යා හැකි, සත්ව මුහුණක් සහිත, ශරීරයේ ලෝම පිරි දිගු නියපොතු සහිත සත්ත්ව කොට්ඨාෂයක්.

රංචු වශයෙන් දිවි ගෙවූ නිත්තෑවන් මිනී මස් කෑමටද පුරුදුව සිට තිබෙනවා.

නිත්තෑවන්ගෙන් එල්ල වූ තර්ජන හේතුවෙන් වැදිජනතාව විසින් ඔවුන්ව සමූල ඝාතනය කර ඇති බව ජනප්‍රවාද වල සඳහන්.

+++++++++++++++++++++++++++++++++++++

කුලියාපිටියෙනුත් නිත්තෑවුන් ගැන තොරතුරු

(22.02.2019 – 11:36 +0530 – hirunews.lk/sinhala)

කුලියාපිටිය – එලතලව ප්‍රදේශයේ ද නිත්තෑවන් හෙවත් වනචාරී කුරු මිනිසුන් සැරිසරන බවට තොරතුරු වාර්තා වුණා. ඊයේ සහ පෙරේදා දිනයන්හි මෙම නිත්තෑවන් ප්‍රදේශවාසීන් දැක ඇති බවයි හිරු වාර්තාකරු සඳහන් කළේ.

සමාජ විද්‍යාඥයින් සහ ගවේෂකයන් පළ කර ඇති මතවලට අනුව නිත්තෑවුන් යනු මිනිසුන් මෙන් දෙපාවලින් ඇවිද යා හැකි සත්ව මුහුණක් සහිත ශරීරයේ ලෝම පිරි දිගු නියපොතු සහිත සත්ව කොට්ඨාශයක්.

මීට පෙර අම්පාර සහ අනුරාධපුර යන ප්‍රදේශවල නිත්තෑවන් හෙවත් වනචාරී කුරු මිනිසුන් සැරිසැරූ බවට වාර්තාවීමත් සමඟයි ඒ පිළිබඳව පර්යේෂණ ශ්‍රී ජයවර්ධනපුර විශ්වවිද්‍යාලය විසින් සිදුකරනු ලැබුවේ. අම්පාර – දමන – තොට්ටම ප්‍රදේශයේ හේන් ගොවීන් පිරිසක් කුරු මිනිසෙකු පසුගිය දින කිහිපය පුරාම දුටු බවට හිරු ප්‍රවෘත්ති අංශයට ප්‍රකාශ කළා.

කෙසේ වෙතත්, ඒ පිළිබදව පර්යේෂණ සිදුකළ ශ්‍රී ජයවර්ධනපුර විශ්වවිද්‍යාලයේ පර්යේෂණ කණ්ඩායම කියා සිටියේ සැරිසැරූ බව කියන කුරු මිනිසුන් නිත්තෑවන් බවට කිසිදු සාක්ෂියක් ඉදිරිපත් වී නොමැති බවයි.

නිත්තෑවන් හෙවත් වනචාරී කුරු මිනිසුන් සමාජය තුළ මෙලෙස කතාබහක් මතුවීම සමග මිනිසුන්ගේ මනසේ ඇති වන රූපමය සිතුවිලි හේතුවෙන් මෙවැනි රූප දිස්විය හැකි බවයි මානසික රෝග පිළිබඳ විශේෂඥ වෛද්‍ය රූමි රූබන් මහතා සඳහන් කළේ.

කෙසේ නමුත්, ප්‍රාග් ඓතිහාසික යුගයේ සිට මෙරට ජීවත් වූ නිත්තෑවුන් හෙවත් කුරු මිනිසුන් තමන් විසින් මුළුනිපුටා දැමූ බව වැදි ජන කොටස ප්‍රකාශ කර තිබෙනවා.

ඒ බව 1887 වසරේ බ්‍රිතාන්‍ය අධිරාජ්‍ය සමයේ දී සටහනක් තබා ඇති අතර, බ්‍රිතාන්‍ය විද්‍යාඥ ඔස්මන් හිල් ප්‍රකාශ කළේ තවදුරටත් මෙරට නිත්තෑවුන් සිටිය හැකි බවට මතයක් පවතින බවයි. බ්‍රිතාන්‍ය යුගයේ සටහන්වලට අනුව නිත්තෑවුන් යනු මීටරයක් පමණ උසැති, ගස් සහ ලෙන් ආශ්‍රිතව වෙසෙන ඍජුව ගමන් කරන කුඩා සතුන් අනුභව කරන වානර කොට්ඨාශයක්.

++++++++++++++++++++++++

********************* ( නැවත මුල් පිටුවට ….. )

ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴

Comments 1

  • This is just another sensation seeking piece of fake news,similar to that of the GREASE YAKAS a few years ago. Grease yakas turned out to be our own people, emulating the story and terrorising people, and not any extra terrestrial spirit. I bet these current stories are of the same category.
    Our people and so called fake journalists are good at creating false stories based on someone’s perception of what had happened rather than what might have actually happened. The story gets magnified, and bloated as it gets transmitted from one person to another. During the war years with the terrorists, all these forests were criss crossed and quite literally combed by both the defence forces and terrorists. If any mysterious dwarfs were living in the forests, then they would have been surely found and reported.

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *