ගලිගමුව ඉන්ධන පිරවුම්හලේ රිය අනතුරින් එක් අයෙකු රෝහලේ

(29.04.2018 – 17:55 +0530 – hirunews.lk/sinhala)

කෑගල්ල – කොළඹ ප්‍රධාන මාර්ගයේ ගලිගමුව ප්‍රදේශයේ පිහිටි ඉන්ධන පිරවුම්හලකට පැමිණි වෑන් රථයක ගැටීමෙන් සිදුවූ අනතුරකින් පිරවුම්හලේ සේවකයෙකු බරපතල තුවාල ලබා රෝහල් ගතකර තිබෙනවා.

අද (29) දහවල් සිදු වූ මේ අනතුරට අයත් වෑන් රථය පදවා ඇත්තේ කාන්තාවක විසින්.

ඇය ඉන්ධන ලබාගැනීමේ අනතුරුව එම ස්ථානයෙන් පිටවී යාමට උත්සහ කිරීමේදී වේගය පාලනය කරගැනීමට නොහැකිවයි මේ අනතුර සිදුවී ඇත්තේ.

තුවාලකරු කෑගල්ල මහ රෝහලට ඇතුලත් කර ඇති අතර අනතුර සිදුකල කාන්තාව පොලිසිය අත්අඩංගුවට ගෙන තිබෙනවා.

සැකකාරිය අධිකරණයට ඉදිරිපත්කිරීමට නියමිත බවයි පොලිසිය කියා සිටියේ.

අනතුර පිලිබඳව කෑගල්ල පොලිසිය වැඩිදුර පරීක්ෂණ සිදුකරනවා.

මේ අතර, අනතුර සිදුවන අකාරය ඉන්ධන පිරවුම්හලේ සවිකර තිබූ CCTV කැමරාවේ මෙලෙස සටහන් වී තිබුණා.

එම වීඩියෝව පහතින් :

******************************************

මාතර, කිංග්ස් වත්ත ප්‍රදේශයේ වෙළඳසැලක උඩු මහලේ ගින්නක්
(29.04.2018 – 17:22 +0530 – hirunews.lk/sinhala)

මාතර, කිංග්ස් වත්ත ප්‍රදේශයේ වෙළඳසැලක උඩු මහලක අද (29) සවස ගින්නක් හටගෙන තිබෙනවා.

මාතර නගර සභාවේ ගිනි නිවීමේ ඒකකය සහ මාතර පොලිසිය එක්ව ගින්න මැඩ පැවැත්වීමට කටයුතු කළ බවයි අප වාර්තාකරු සඳහන් කළේ.

එම ප්‍රදේශයට අද පස්වරුවේ හටගත් වැසි තත්වය සමඟ ඇතිවූ අකුණු ගැසීම් හේතුවෙන් මෙම ගින්න හට ගන්නට ඇති බවට සැක පලකරනවා.

ගින්නෙන් වෙළඳසැලට සිදුවූ හානිය තවමත් තක්සේරුකර නැහැ.













——————————

********************* ( නැවත මුල් පිටුවට ….. )

ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *