අලුතින් ඉදිවූ යාල කලපුවේ හෝටලයට තිස්සමහාරාම ප්‍රාදේශීය සභාවේ සභාපතිගේ විරෝධය

(17.06.2018 – 21:33 +0530 – hirunews.lk/sinhala)

තිස්සමහාරාම යාල කලපුව ආශ්‍රිත ප්‍රදේශයක ඉදිකර ඇති හෝටලයක් හේතුවෙන් පරිසර හානියක් සිදුවන බවට තිස්සමහාරාම ප්‍රාදේශීය සභාවේ සභාපතිවරයා චෝදනා කරනවා.

එලෙස ඉදිකර ඇති හෝටලය ඊයේ (16) විවෘත කෙරුණේ අමාත්‍ය රාජිත සේනාරත්න අතින්.

චෝදනා එල්ල වන හෝටලය පිහිටා ඇත්තේ නිමලව අභයභූමිය ඉදිරිපසින් පිහිටි තිස්සමහාරාම, යාල කලපුව ආශ්‍රිතවයි.

ඒ අවට වෙනත් කිසිදු ඉදිකිරීමක් දක්නට ලැබෙන්නේ නැහැ.

**********************************************

අලි මෙහෙයුම නතර කිරීමෙන් සිදුවිය හැකි හානියට වග නොකියන බව ඇමති ෆොන්සේකා කියයි
(17.06.2018 – 19:16 +0530 – hirunews.lk/sinhala)

සිංහරාජ වනාන්තරයේ සිටින දුර්ලභ ගණයේ වන අලි දෙදෙනා ඇල්ලීමේ මෙහෙයුම නතර කිරීම හරහා එම සතුන්ට සහ මිනිස් ජීවිතවලට සිදුවිය හැකි හානි පිළිබඳ තමාට වගකිව නොහැකි බව තිරසර සංවර්ධන, වනජීවි හා පරිසර සංවර්ධන අමාත්‍ය, ෆීල්ඩ් මාර්ෂල් සරත් ෆොන්සේකා පවසනවා.

ඔහු මේ බව කියා සිටියේ මැදිරිගිරිය ප්‍රදේශයේ අද (17) සංචාරයක නිරත වීමෙන් අනතුරුව මාධ්‍යවේදීන් නැගූ ප්‍රශ්නවලට පිළිතුරු ලබාදෙමින්.

කෙසේ වෙතත්, මේ සම්බන්ධයෙන් හිරු ප්‍රවෘත්ති අංශය පරිසරවේදී, නීතිඥ ජගත් ගුණවර්ධනගෙන් විමසීමක් කළා.

එහිදී ඔහු කියා සිටියේ තෙත් කලාපයේ ජීවත් වූ මෙම වන අලි දෙදෙනා හොරොව්පතාන වැනි වියළි කලාපයකට රැගෙන යාම සුදුසු නොවන බවයි.

********************* ( නැවත මුල් පිටුවට ….. )

ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *