පන්සලට පැමිණි නොදරුවාට ගමම හඬවමින් අත් වූ අවාසනාවන්ත ඉරණම

(27.06.2018 – 19:15 +0530 – hirunews.lk/sinhala)

පොකුණකට වැටී කුඩා දරුවෙක් මියයයි

සුරතල් මසුන් ඇති කරන කුඩා පොකුණකට වැටී වයස අවුරුදු තුනහමාරක පිරිමි දරුවෙකු මියගිය පුවතක් හබරාදූව – කොක්වත්ත ශ්‍රී නීග්‍රෝධාරාම විහාරස්ථානයෙන් වාර්තාවුණා.

එහි පොකුණකට වැටී ඊයේ මෙලෙස මියගොස් ඇත්තේ වංචාවල – අත්තරගොඩ පදිංචිගොඩ කුඩා දරුවෙක්.

පොකුණ අසළ තිබූ කුඩා බාල්දියකින් වතුර ගැනීමට උත්සාහ කිරීමේදී දරුවා පොකුණට වැටී ඇති බවටයි පොලීසිය සැක පළ කරන්නේ.

මියගිය දරුවා විහාරාධිපති හිමියන්ගේ ඥාති පුත්‍රයෙකු බවද සඳහන්.

පොකුණ අඩි තුනහමාරක පමණ ගැඹුරකින් යුක්ත වන අතර දෙමාපියන් සමඟ විහාරස්ථානයට ඊයේ පැමිණි අවස්ථාවේදී දරුවා මෙම අනතුරට ලක්ව තිබෙනවා.

********************************************

පිළියන්දල අසරණ මව
(27.06.2018 – 19:45 +0530 – hirunews.lk/sinhala)

තම දරු දෙදෙනාගේ ස්නායු රෝග තත්ත්වයක් හේතුවෙන් අසරණ වූ මවක් පිළිබඳ පුවතක් හිරු ප්‍රවෘත්ති අංශයට පිළියන්දල සුවාරපොළ – ගඟබඩ පාරේ – පළමු පටුමගේ වාර්තාවුණා.

මෙම මවගේ දරුවන් තුන්දෙනාගෙන් දෙදෙනෙකු මේ වනවිටත් අදාළ රෝග තත්ත්වය හේතුවෙන් එක්තැන්වී ජීවිතය ගත කරනවා.

ඇයගේ එකම බලාපොරොත්තුව තම දරු දෙදෙනා හැකි ඉක්මණින් සුව කරගැනීමයි.

රමණි පුෂ්පලතා නම් ඇය රෝගී දරුවන් සමඟ දහදුක් විඳින්නේ ඇගේ සැමියාද පවුල අතහැර ගොස් තිබීම හේතුවෙන්.

සැබෑ මිනිසුන් වන සැමට, ඔවුන්ට ශක්තියක් වන්නට හැකියාව පවතින බව මේ පුන් පොහෝදින සිහිපත් කළ යුතුයි.

********************* ( නැවත මුල් පිටුවට ….. )

ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *