හිරු සී.අයි.ඒ. : ජනතාවට අපිරිසිදු ආහාර කවන දඹුල්ලේ හෝටලය

(21.07.2018 – 19:41 +0530 – hirunews.lk/sinhala)

හිරු සී.අයි.ඒ. හරහා ඊයේ අප හෙළි කලේ ජනතාවට පිරිසිදු භාවයකින් තොරව ආහාර අලෙවි කරනා දඹුල්ල නගරයේ පිහිටි අවන්හලක් පිළිබදවයි.

දින ගණනාවකට ඉහත පිසු බත් අධි ශිතකරණවල තබා ගනිමින් නැවත පාරිභෝගිකයන්ට ලබාදීමට ගබඩා කර ඇති අයුරු එහි ගිය හිරු සී.අයි.ඒ. කණ්ඩායමට දැක ගත හැකි වුණා.

මේ පිළිබදව අප දඹුල්ල නගරාධිපතිවරයාව දැනුවත් කිරීමෙන් අනතුරුව මහජන සෞඛ්‍ය පරීක්ෂකවරයෙකු අවන්හල පරීක්ෂාවට පැමිණියා.

******************************************

ශ්‍රී ලාංකික ගෘහ සේවිකාවක් කුවේට් ගුවන්තොටුපලේදී අතුරුදන්
(21.07.2018 – 19:37 +0530 – hirunews.lk/sinhala)

ගෘහ සේවිකාවක ලෙස විදෙස් ගතවූ කාන්තාවක් කුවේට් ගුවන් තොටුපොළේදී අතුරුදන්ව ඇති බවට ඇගේ පවුලේ ඥාතීන් පවසනවා.

මහව – පොල්පිතිගම කදුරුවැව පදිංචිව සිටි දම්මිකා දමයන්ති මැණිකේ නම් 46 හැවිරිදි දෙදරු මව, තම පවුලේ ඇති ආර්ථික අගහිගකම් හමුවේ ගෘහ සේවිකාවක ලෙසින් කුවේට් බලා පිටත්ව යන්නේ 2016 වසරේ මැයි මාසයේදී.

නන්නාදුනන රටකට ගොස් දුක් මහන්සියෙන් උපයාගත් මුදලුත්, අනාගතය පිලිබද සුභ සිහිනත් පොදිබැඳන් ධම්මිකා නැවත, සිය රට බලා පැමිණීමට පසුගිය දිනක තීරණය කරනවා.

පසුගිය 12 වදා මෙරටට පැමිණීමට නියමිතව සිටි දම්මිකා පිළිබද කිසිදු තොරතුරක් නොමැතිව අදට දින 10 ක්.

ධම්මිකාගේ පවුලේ ඥාතීන් පවසන්නේ, ඇය කුවේට් ගුවන්තොටුපළ වෙත රැගෙන ආ බව කියන නිවසේ සේවය කළ රියදුරු සැක සහිත බවයි.

********************* ( නැවත මුල් පිටුවට ….. )

ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *