කොස්ගොඩ රිය අනතුරකින් තරුණයෙක් මරුට (CCTV)

(13.10.2018 – 18:16 +0530 – hirunews.lk/sinhala)

කොස්ගොඩ දූවමෝදර ප්‍රදේශයේ සිදුවු රිය අනතුරකින් තරුණයෙකු ජීවිතක්ෂයට පත්වී තවත් ගැහැණු ළමයෙකු තුවාල ලබා තිබෙනවා.

කුඩා ලොරි රථයක් ටිපර් රථයක ගැටීමෙනුයි අද දහවල් මෙම අනතුර සිදුවී ඇත්තේ.

අනතුරින් බරපතල තුවාල ලැබු 15 හැවිරිදි සිසුවිය සහ 21 හැවිරිදි තරුණයා බලපිටිය රෝහලට ඇතුලත් කිරීමෙන් පසු වැඩිදුර ප්‍රතිකාර සඳහා කරාපිටිය ශික්ෂණ රෝහලට මාරුකර යැවුනා.

එහිදීයි තරුණයා මියගොස් ඇත්තේ.

ඔහු ඇල්පිටිය තල්ගස්පේ ප්‍රදේශයේ පදිංචිකරුවෙක් වන අතර ලොරි රථයේ ගමන් කළ ගැහැණු ළමයා බලපිටිය හීනටිය ප්‍රදේශයේ පදිංචිකාරියක් බවට අනාවරණ වී තිබෙනවා.

මියගිය තරුණයා කුඩා ලොරියේ රියදුරා වන අතර අනෙක් ගැහැණු ළමයා එම රථයේම ගමන් කළ අයෙක් බව සඳහන්.

අනතුර සම්බන්ධයෙන් බලපිටිය පොලිසිය පරීක්ෂණ සිදු කරන අතර මෙම අනතුර සිදුවන ආකාරය අසල නිවසක සවිකර තිබු CCTV කැමරාවක ද පටිගත වී තිබුනා.

*****************************************

පේරාදෙණියේදී පෞද්ගලික බස් රථයක් ගිනි ගනී

(13.10.2018 – 17:08 +0530 – hirunews.lk/sinhala)

පේරාදෙණිය සරසවියේ ඉංජිනේරු පීඨය ඉදිරිපිට අද පස්වරුවේ පෞද්ගලික බස් රථයක් ගිනි ගැනීමකට ලක්වුණා.

ඒ හේතුවෙන් මහනුවර – ගම්පොල මාර්ගයේ දැඩි රථ වාහන තදබදයක් හට ගත් අතර මේ වනවිට එය යථා තත්ත්වයට පත්ව තිබෙනවා.

මෙලෙස ගිනි ගැනීමකට ලක්ව තිබුණේ මහනුවර සිට තලවකැලේ දක්වා ධාවනය වූ පෞද්ගලික බස් රථයක් වන අතර, ඒ සම්බන්ධයෙන් පේරාදෙණිය පොලීසිය වැඩිදුර පරීක්ෂණ සිදුකරනු ලබනවා.

*****************************************

වන අලි දුම්රියේ ගැටීම වළක්වන්න නිර්දේශ 5 ක්

(13.10.2018 – 15:11 +0530 – hirunews.lk/sinhala)

දුම්රිය මාර්ගයේ වන අලි ගැටීම් සිදුවන ස්ථාන නිරීක්ෂණය කිරීම සදහා පත් කළ කමිටුව ඊට අදාළව නිර්දේශ 5 ක් යෝජනා කර තිබෙනවා.

පසුගිය දින දෙකේදී ඔවුන් ත්‍රිකුණාමල සහ මඩකලපුව යන දුම්රිය මාර්ගවල වනඅලි හැසිරීම පිළිබදව තොරතුරු ලබා ගත් අතර, ඒ අනුවයි මෙම නිර්දේශ ඉදිරිපත් කර ඇත්තේ.

දුම්රිය රියදුරන්ට මාර්ගය පැහැදිලිව දර්ශනය වීමට ඒ දෙපස මීටර් 30 ක් දක්වා වූ ළදු කැලෑ එලි කිරීම, දක්වා ඇති වේග සීමා නියමිත පරිදි ක්‍රියාත්මක කිරීම මෙන්ම මාර්ගය දෙපස කදුගැට සහිත ස්ථානවල අලි ඇතුන්ට මාරු වීම සදහා ඉහළින් මාර්ග ඉදිකිරීම එම යෝජනා අතර වනවා.

ව්‍යාපෘතියේ ඉංජිනේරු ඉරෝෂ් පෙරේරා මහතා කියා සිටියේ ඒ සම්බන්ධයෙන් වන අවසන් වාර්තාව ඉදිරියේදී විෂය භාර අමාත්‍යවරයාට භාරදීමට නියමිත බවයි.

********************* ( නැවත මුල් පිටුවට ….. )

ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *